Waziri wa Nishati azindua kampeni ya Washa Umeme Vitongojini mkoani Ruvuma

Kwa mujibu wa taarifa ya Sekretarieti ya Mkoa wa Ruvuma, Waziri wa Nishati, Mhe. Dkt. Juma Zuberi Homera, amemuagiza Mkurugenzi Mkuu wa Wakala wa Nishati Vijijini (REA) kuhakikisha Kampeni ya "Washa Umeme Vitongoni" inazinduliwa katika kila mkoa nchini ili kufikisha huduma ya umeme katika vitongoji vyote ifikapo mwaka 2030.

Taarifa hiyo inaeleza kuwa katika kila mkoa, Mhandisi wa Miradi Mkoa anapaswa kuandaa uzinduzi wa kampeni hiyo utakaoongozwa na Mkuu wa Mkoa husika kwa lengo la kuongeza kasi ya utekelezaji wa miradi ya umeme.

Waziri Homera alitoa agizo hilo tarehe 25 Oktoba 2026 wakati akiunganisha umeme katika Kitongoji cha Lindi B, Kijiji cha Kumbara, Kata ya Litola, Wilaya ya Namtumbo, mkoani Ruvuma. Alibainisha kuwa jumla ya Shilingi milioni 95.4 zilitumika kutekeleza mradi wa kupeleka umeme katika kitongoji hicho.

Kuhusu Wilaya ya Namtumbo, Mhe. Homera alisema wilaya hiyo ina jumla ya vitongoji 424, ambapo zaidi ya vitongoji 300 tayari vimepata umeme, vitongoji 72 viko katika mpango wa kuunganishiwa umeme, na vitongoji 38 vimesalia. Alisisitiza kuwa lengo la Serikali ni kuhakikisha vitongoji vyote nchini vinapata huduma ya umeme ifikapo mwaka 2030 kupitia ufuatiliaji katika ngazi za mikoa na wilaya.

Rural electrification initiatives directly affect public service delivery, community infrastructure, and evening study environments across Ruvuma Region. This is TCDI context, not a statement by the source, and does not mean TCDI took part in what is reported.